Навіны

Езуса Хрыста часта называюць Богам-Словам, або Логасам. Але што гэта значыць? Як Бог увогуле можа быць Словам? Адказы на гэта пытанне ў свежым выпуску «Каталізатара».

У дванаццатым выпуску «Каталізатара» мы вырашылі адысці ад філасофіі і тэалогіі ў бок гісторыі і культуры. Сёння мы распавядзем пра тау-крыж, які і стаў выйгрышам для двух шчаслівых пераможцаў апошняга конкурса.

Месца малітвы – гэта так проста і тым не менш патрабуе ўвагі і клопату. Бог можа і жадае чуць нашую малітву заўсёды і паўсюль. Але пытанне ў нас саміх: дзе мы засяроджваемся, слухаем, адкрываемся найлепшым чынам на Божую ласку?

Важна, дзе мы молімся, дзе шукаем Бога кожны дзень, дзе збіраемся, як вучні Пана кожную нядзелю, дзе спыняемся, захопленыя дарам Яго прысутнасці ў прыгажосці прыроды. Не заўсёды ў нас маецца шырокі выбар, але карысна прыслухацца да сваіх адчуванняў, паразважаць, ці можна штосьці змяніць або часцей бываць там, дзе ўмовы адпавядаюць асабіста вам. У касцёле, сваім пакоі ці на прыродзе, у цішыні ці з гукамі музыкі, на усходзе сонца ці ў лагоднай цемры, асветленай жывым полымем свечкі – спрабуце і даследуйце, як знайсці і з Божай дапамогай падтрымліваць усё, што спрыяе нашай малітве.

 

Дзякуючы жаданню маліцца, якое лагодна ўлівае ў нас Бог, мы пачынаем шукаць час і месца для сустрэчы з Ім. Сёння паразважаем над пытаннямі, звязанымі з часам. У пэўным сэнсе, маліцца – значыць думаць пра Бога з любоўю. Магчыма, мы робім гэта часцей, чым нам здаецца. Але калі няма часу і сіл нават думаць – няўжо тады мы губляем гэты каштоўны дар? Асабісты шлях малітвы праходзіць менавіта скрозь заняткі і падзеі звычайных дзён, пачынаецца з малых крокаў і кліча да ўзрастання. Калі маліцца - пытанне не толькі часу, але і нагоды.

Для разумення суіснавання ў свеце Бога і зла неабходна ўсвядоміць свабоду волі чалавека. Дарэчы, сам факт яе наяўнасці адсылае да Творцы і асаблівага статусу чалавека ў Сусвеце, бо іншыя жывыя арганізмы свабоды волі не маюць. Навошта яна нам дадзена? Як яе можна выкарыстоўваць? Адказы ў выпуску.

А яшчэ цяпер мы маем старонкі ў сацыяльных сетках:
https://www.facebook.com/katalizatar/
https://vk.com/katalizatar

 

Мы живём во времена, когда великое множество людей называет себя атеистами. Но так ли их много на самом деле? В шестом выпуске «Катализатора» мы научим Вас разбираться в религиозно-философских концепциях, распространённых в современном мире и не признающих Бога-Личность.

Любіце азартныя гульні? З імі варта быць асцярожнымі, паколькі лёгка згубіць меру і трапіць у залежнасць... Аднак давайце паспрабуем згуляць у пары Паскаля - гульню, якая па сутнасці з’яўляецца адным з найбольш прыгожых аргументаў на карысць рацыянальнасці рэлігійнай веры. А яшчэ пары пацвярджаецца матэматычна. Акрамя таго, парадуем Вас, шаноўныя падпісчыкі, невялічкім розыграшам ружанцаў. :)

В 4-м выпуске мы предложим зрителям несколько философско-логических доказательств существования Бога. Доказательствами их можно назвать лишь условно, а Бытие Бога для нас, христиан, является очевидным (более того, Бог Сам и Есть Бытие), однако приведённые аргументы помогут вести диалог с людьми, страдающими от сомнений.

У 3-м выпуску мы працягнем развіваць тэму розуму і веры і распавядзем пра вучоных, якія мелі духоўны сан і/ці з’яўляліся манахамі (тым больш, мы ўжо пачалі з Жоржа Леметра і Уільяма Окама ў праграме № 2 - “Навука і рэлігія. Вера і розум”).

У 2-м выпуску мы будзем шукаць карані «старога канфлікту» навукі і рэлігіі, веры і розуму. Даведаемся, чаму шэраг вернікаў мяркуе, што ўзрост Зямлі складае каля сямі тысяч гадоў, а некаторыя вучоныя адмаўляюць Бога. Азначым крытэрый Попера ў кантэксце навуковага пазнання. Будуць праведзеныя гнасеалагічныя метадалагічныя межы паміж навукай, філасофіяй і рэлігіяй. Акрамя таго, мы распавядзем, хто і за што пакараў Джардана Бруна і якое гэта мае дачыненне да астраноміі. У канцы выпуска будзе дадзена пара прыкладаў людзей, якія паспяхова сумяшчалі ў сваім жыцці служэнне Богу і навуцы.

У 1-м выпуску мы распавядзём пра імбрык Расела, лятаючага макароннага монстра, нябачнага ружовага адзінарога і даведаемся, што агульнага гэтыя канцэпты маюць з нашым разуменнем Бога. Разбярэмся, што ўключае ў сябе паняцце “Сусвет”. У папулярнай форме будуць выкладзеныя каўзальныя сувязі паміж Богам і Сусветам. Акрамя таго, мы паспрабуем максімальна проста растлумачыць трансцэндэнтнасць і высветліць, чаму мы з атэістамі НЕ верым у аднаго і таго ж “бога”.

 

З чэрвеня стартуе новы праект каталіцкага тэлебачання — праграма «Каталізатар». Гэта хрысціянскі відэаблог, навукова-папулярныя рэлігійна-філасофскія відэа, разлічаныя не толькі на практыкуючых католікаў, а на шырокую аўдыторыю, у тым ліку і на людзей, якія яшчэ не сустрэліся ў сваім жыцці з жывым Богам.

Ад 3 чэрвеня праект TV.Catholic.by пачынае трансляцыі ў тэставым рэжыме.